ammóssu avv. coi denti, tra i denti, in bocca. Dare ammossu mordere. Ista attentu, mi’ chi su cane dad ammossu sta attento, bada che il cane morde. Giugher, portare ammossu tenere, portare tra i denti. Sa pibera giughet (portad) ammossu unu trotischeddhu la serpe acquaiola ha tra i denti una piccola trota. Leare ammossu pigliar coi denti, tra i denti. Si no la podes leare ammanu, leala ammossu se non puoi prenderla con le mani, prendila coi denti. Tenner, gigher ammossu, al fig., non perdonare né scordare un’offesa. Dai candho l’han isfattu sa ’inza, la tenet (gighet) sempr’ammossu da quando gli han distrutto la vigna, l’ha sempre fitta in cuore come un chiodo.